له دیدارێكدا، سه‌رۆك بارزانى لەگەڵ تۆڕی میدیایی کوردستان كه‌ناڵى (الشمس) ڕایگه‌یاند، خۆشحاڵ بووم چاوم به مه‌زڵووم عه‌بدی كه‌وت و ئامۆژگاریم كرد كه پشوودرێژ بێت و كار بكات بۆ یه‌كهه‌ڵوێستى كورد له سووریا.
هه‌رێمی كوردستان ده‌توانێت ڕۆڵى گرنگ ببینێت، هه‌روه‌ها ڕۆژئاوا ده‌توانن سوود له ئه‌زموونى هه‌رێمی كوردستان وه‌ربگرن.
له وه‌ڵامی پرسیارێكدا گه‌ر كوردانى ڕۆژئاوا تووشى كێشه هاتن، ئایا كاك مه‌سعود ئاماده‌یه بۆ هاوكارى، وتى: نه‌ك هه‌ر كورد، هه‌ر مرۆڤێكى مه‌زڵووم پێویستى به‌هاوكاری ئێمه بێت، ئێمه ئاماده‌ین.
جه‌ختیشی كرده‌وه، كه فیدڕاڵییه‌ت ئه‌زموونى سه‌ركه‌وتووه بۆ هه‌ر وڵاتێك كه فره‌چه‌شن بێت، له‌وانه‌ش سووریا، به‌ڵكو پێموایه تاكه چاره‌سه‌رى گونجاوه بۆ ئه‌و وڵاتانه، ئه‌وه‌ش تێگه‌یشتنێكی هه‌ڵه‌یه كه فیدڕاڵییه‌ت واتا دابه‌شبوونى ئه‌و وڵاته.
کۆمێنت (0)
تا ئێستا هیچ کۆمێنتێک نەکراوە.