لەچوارچێوەی ڕێککەوتنی ئاگربەست کە ئەمڕۆ یەکشەممە لە غەززە چووە واری جێبەجێکردنەوە، لیواکانی عیزەددین قەسام باڵی سەربازیی حەماس، ناوی سێ بەدیلگیراوی ئیسرائیلییان بڵاوکردەوە کە بڕیارە ئازاد بکرێن.
گوتەبێژی لیواکانی عیزەددین قەسام، ئەبو عوبەیدە لە ڕاگەیاندراوێکدا ئاماژەی بەوەداوە: لەچوارچێوەی ڕێککەوتن بۆ ئاڵوگۆڕی دیلەکان، عیزەددین قەسام بڕیاریداوە کە ئەمڕۆ یەکشەممە سێ بەدیلگیراوی زایۆنی بەناوەکانی ڕۆمی جۆنین (24 ساڵ)، ئیمیلی داماری (28 ساڵ) و دۆرۆن شتانبار خەیر (31 ساڵ)، ئازاد بکات.
بەیانی ئەمڕۆ یەکشەممە، ڕێککەوتنی ئاگربەست لەنێوان بزووتنەوەی حەماس و ئیسرائیل لە کەرتی غەززە چووە واری جێبەجێکردنەوە.
ھاوکات سوپای ئیسرائیل ڕایگەیاندووە، تا ئەو کاتەی حەماس پابەندبوونەکانی بە ڕێککەوتنی ئاگربەست لە غەززە جێبەجێ نەکات، بەتایبەتیش ئەو خاڵەی کە پەیوەندیدارە بە ڕادەستکردنی لیستی ناوی ڕفێندراوە ئیسرائیلییەکان، ئەوا ڕێککەوتنەکە جێبەجێ ناکرێت .
کۆمێنت (0)
تا ئێستا هیچ کۆمێنتێک نەکراوە.