ئەو ئاگرەی ماوەی چەند رۆژێكە لە ویلایەتی لۆس ئەنجلۆس لە ئەمەریكا كەوتۆتەوە و هەموو شتێك لەدوای خۆیدا دەسوتێنێت، زیانەكەی بە زیاتر لە 50 ملیار دۆلار خەملێنراوە.
ئاگرەكە لە سەرلەبەیانی رۆژی سێشەممەوە دەستی پێ كردووە و بەشێكی زۆر لە دارستان و خانوو و باڵەخانەكانی سوتاندووە، تیمەكانی بەرگریی شارستانیش بەهۆی زۆری و چڕی ئاگرەكە دەستەوسان وەستاون.
بەگوێرەی زانیاری میدیاكانی ئەمەریكا تا ئێستا بەهۆی ئاگرەكانەوە زیاتر لە 1500 باڵەخانە و خانوو سوتاون و سەدان هەزار هاووڵاتیش ئاوارە و بێ ماڵ و حاڵ بوون.
زانیارییە سەرەتاییەكان دەری دەخەن زیانەكانی ویلایەتی لۆس ئەنجلۆس بەهۆی ئاگرەوە لەنێوان 52 بۆ 57 ملیار دۆلار دایە.
ئەگەر ئاگرەكە تا دوو رۆژی دیكە دانەمركێتەوە، زیانەكان بۆ دوو هێندەی تر زیاتر دەبن و كارەساتی گەورەتریش دروست دەبێت كە رەنگە لە هزر و بیر هیچ كەسێدا نەبووبێت.
کۆمێنت (0)
تا ئێستا هیچ کۆمێنتێک نەکراوە.