حكوومەتی عێراق ئەمڕۆ سێشەممە تەواوبوونی پڕۆژەی دروستكردنی دیوار لەسەر سنووری سووریا بە درێژایی 400 كیلۆمەتر راگەیاند.
لیوا تەحسین خەفاجی سەرۆكی شانەی راگەیاندنی ئەمنیی عێراق رایگەیاند: پڕۆژەی دروستكردنی دیوار لە تەواوی سنووری نێوان عێراق و سووریا بەردەوامە كە درێژییەكەی 615 كیلۆمەترە.
راشیگەیاند: ئێستا 400 كیلۆمەتر لە دروستكردنی دیوار لەسەر سنووری سووریا تەواو بووە و تەنیا 215 كیلۆمەتر ماوە تەواوی سنووری نێوان عێراق و سووریا بە دیوار كۆنكریت بكرێت.
هەروەها رایگەیاند: سنوورەكانی عێراق لەگەڵ سووریا لەلایەن هێزە ئەمنییەكانەوە بەتەواوەتی پارێزراوە و رۆژانە 24 كاتژمێر چاودێری دەكرێت.
سەرۆكی شانەی راگەیاندنی ئەمنیی عێراق جەختیشی كردەوە هێزە ئەمنییەكان رێگە نادەن هیچ سنووربەزاندنێك لەلایەن هەر لایەنێكەوە بێت لە سووریا بۆ ناو خاكی عێراق ئەنجام بدرێت.
کۆمێنت (0)
تا ئێستا هیچ کۆمێنتێک نەکراوە.