ماوەی چەند ڕۆژێکە هەڵمەتی پشکنین لە حومسی ناوەڕاستی سوریا بەردەوامە بۆ گەڕان بەدوای تاوانبارانی جەنگ و ئەو کەسانەی دەستیان هەبووە لە تاوانەکان و ئەوانەی بە پاشماوەی ڕژێمی پێشوو ناودەبرێن، كه رەتیان کردۆته‌وه چەکەکانیان رادەست بکەن.
به‌رێوه‌به‌رایه‌تیی ئۆپەراسیۆنە سەربازییەکان رایگەیاند کە دەزگا ئەمنییەکان بەردەوامن لە بەدواداچوون بۆ ده‌ستگیركردنی پاشماوەکانی رژێمی پێشووی سوریا لە حومس و دەوروبەری و له‌و چوارچێوه‌یه‌شدا دەستیان بەسەر کۆگایەکی چەک و تەقەمەنیدا گرتووە لە گەڕەکی زەهرا.
كه‌ناڵی ئه‌لعه‌ره‌بیه الحه‌ده‌س بڵاویكرده‌وه كه تا ئێستا هێزه‌كانی ته‌حریر شام، 150 كه‌س له چه‌كداره پاشماوه‌كانی رژێمی ئه‌سه‌د ده‌ستگیری كردوون.
سه‌رچاوه‌كانی هه‌واڵ بڵاویانكرده‌وه كه ژماره‌یه‌ك ئه‌فسه‌ر و سه‌ربازی رژێمی ئه‌سه‌د، له هه‌ندێك شار و شارۆچكه و گونده‌كان، چه‌كیان هه‌ڵگرتووه و خۆیان رێكده‌خه‌ن بۆ ئه‌وه‌ی له دژی ده‌سه‌ڵاتی ئێستا سووریا بوه‌ستنه‌وه.
کۆمێنت (0)
تا ئێستا هیچ کۆمێنتێک نەکراوە.