دوێنێ پێنجشەممە لە ویلایەتی كالیفۆرنیای ئەمەریكا، فڕۆكەیەك كەوتە خوارەوە و بەهۆیەوە 20 كەس بوونە قوربانی.
فڕۆكەكە فڕۆكەیەكی بچووكی كەسی بووە و كەوتۆتە سەر مۆڵێكی گەورە لە باشووری ویلایەتی كالیفۆرنیا.
لە ئەنجامی كەوتنەخوارەوەی فڕۆكەكە 2 كەس كە سەرنشینی فڕۆكەكە بوون، گیانیان لەدەستداوە، هەروەها 18 كەسی دیكە لەنێو مۆڵەكە بریندار بوون.
لە كۆتاییەكانی ساڵی 2024 چەند رووداوێكی كەوتنەخوارەوەی فڕۆكە لە جیهان روویان دا، چەند رۆژێك بەر لە ساڵی نوێ فڕۆكەیەكی نەفەرهەڵگری ئازەربایجانی لە كازاخستان بە 67 سەرنشینەوە كەوتەخوارەوە و تەنیا 29 لە سەرنشینەكان رزگاریان بوو، دواتریش فڕۆكەیەكی نەفەرهەڵگری كۆریای باشوور كەوتەخوارەوە و 179 سەرنشین گیانیان لەدەست دا.
کۆمێنت (0)
تا ئێستا هیچ کۆمێنتێک نەکراوە.