سوپای ئیسڕائیل ئەمشەو پێنجشەممە ڤیدیۆی ئەنجامدانی ئۆپەڕاسیۆنێكی تایبەتی بڵاو كردەوە كە بەر لە چوار مانگ لەنێو خاكی سووریا ئەنجامدابوو.
ئۆپەڕاسیۆنەكە بە بەشداری 100 سەربازی سوپای تایبەتی شەلداغ ئەنجامدرابوو كە بە هێلیكۆپتەر لەنێو خاكی سووریا دابەزی بوون و چووبوونە نێو شوێنێكی دروستكردنی چەك و تەقەمەنی كە لەژێر زەوییەوە بنیاتنرابوو.
گوتەبێژی سوپای ئیسڕائیل ئاشكرای كرد كە ئۆپەڕاسیۆنەكە لە رۆژی 8ی ئەیلوولی ساڵی رابردوو ئەنجامدرابوو و شوێنی دروستكردنی چەك و تەقەمەنییەكانیش لەلایەن ئێرانەوە لە ژێر زەوییەوە دروستكرابوو بە مەبەستی پڕچەككردنی حزبوڵا و گرووپە چەكدارەكانی دیكەی نزیك لە ئێران.
ئاماژەی بەوەش دا كە سەربازەكان لە ئۆپەڕاسیۆنەكەدا بەشێكی زۆری زانیارییەكانی شوێنەكەیان گواستبووەوە و دواتریش تەقێنرابووەوە.
جەختیشی كردەوە كە سەرجەم سەربازەكان دوای ئەنجامدانی ئۆپەڕاسیۆنەكە بەسەركەوتوویی، بە سەلامەتی گەیشتبوونەوە ئیسڕائیل.
ڤیدیۆ.. تەواوی دیمەنەكانی ئەنجامدانی ئۆپەڕاسیۆنەكە:-
کۆمێنت (0)
تا ئێستا هیچ کۆمێنتێک نەکراوە.