زۆرێک لەو کەسانەی پەیوەندیان بە ڕژێمی بەعس و ئەسەد و خانەوادەکەی و ئەسمای هاوسەریەوە هەبووە، ناویان لە لیستە جۆراوجۆرەکانی سزاکاندان.
لە ماوەی چەند ساڵی رابردوودا، ژمارەیەکی زۆر کەس لە سووریا کە خێزانی ئەسەد و ژمارەیەک وەزیر و بەرپرسی حکوومەتیان لەنێودایە، بەهۆی جەنگی ناوخۆی وڵاتەکە، توندوتیژی بەرامبەر هاووڵاتیانی مەدەنی، پێشێلکاری بەرامبەر مافەکانی مرۆڤ، ئەنجامدانی تاوانی جەنگ و پشتیوانی کردنی ڕێکخراوە تیرۆریستییەکان جۆرەها بڕیاری سزایان بەسەردا سەپێندراوە.
دوای ڕووخانی ڕژێمی بەعس لە سووریا کە 61 ساڵ وڵاتەکەی بەڕێوەبرد، کەسەکانی وەک بەشار ئەسەد و ماهیر ئەسەد و عەلی مەملوک بەهۆی ئەو تاوانە جۆراوجۆرانە و ئەو پێشێلکارییانەی بەرامبەر مافەکانی مرۆڤ بە درێژایی جەنگی ناوخۆی وڵاتەکە ئەنجامیانداوە، بوونەتە ڕۆژەڤ.
ژمارەیەکی زۆر لەو کەسانەی لەو میکانیزمەدانە بوون کە پێکهێنران بۆ سەرکوتکردنی جەنگی ناوخۆی وڵاتەکە کە لە مانگی ئاداری 2011دا سەریهەڵدا، وەک تاوانباری جەنگ ناویان تۆمار کراوە.
لەلایەکی دیکەوە، ژمارەی ئەو کەسانە نازانرێت کە بەهۆی ئەنجامدانی توندوتیژی بەرامبەر هاووڵاتیانی مەدەنی، پێشێلکاری بەرامبەر مافەکانی مرۆڤ، ئەنجامدانی تاوانی جەنگ و پشتیوانی کردنی ڕێکخراوە تیرۆریستییەکان بۆ پشتیوانی کردنی ڕژێم سزایان بەسەردا سەپێندراوە.
زۆرێک لەو کەسانەی پەیوەندیان بە ڕژێمی بەعس و ئەسەد و خانەوادەکەی و ئەسمای هاوسەریەوە هەبووە، ناویان لە لیستە جۆراوجۆرەکانی سزاکاندان.
سزا بەسەر زۆرێک لە بەرپرسانی تۆڕە ئەمنی و سەربازییەکانی ڕژێمی ڕووخاودا دەسەپێندرێت لەوانە عەلی مەملوک و عەبدولڕەزاق تیلاس.
کۆمێنت (0)
تا ئێستا هیچ کۆمێنتێک نەکراوە.