پارتی دیموكراتی كوردستان و یه‌كێتی نیشتیمانی كوردستان كۆده‌بنه‌وه.
له لێدوانێكیدا بۆ ماڵپه‌ری كوردستان تیڤی دڵشاد شه‌هاب ئەندامی شاندی دانوستانکاری پارتی دیموکراتی کوردستان بۆ پێکهێنانی کابینەی نوێ ڕایگه‌یاند، كاتژمێر 10ی به‌یانی ئه‌مڕۆ سێشه‌ممه 17ی12ی2024، كۆبوونه‌وه‌ی هەردوو شاندی دانوستانکاری پارتی دیموكراتی كوردستان و یه‌كێتی نیشتیمانی كوردستان له پیرمام به‌ڕێوه‌ده‌چێت.
به گوێره‌ی زانیارییه‌كان كه ده‌ست ماڵپه‌ری كوردستان تیڤی كه‌وتووه، كۆبوونه‌وه‌ی هەردوو شاندی دانوستانکاری پارتی و یه‌كێتی گفتوگۆ ده‌بێت له باره‌ی پێكهێنانی كابینه‌ی نوێی حكوومه‌تی هه‌رێمی كوردستان.
ئەمە دەبێتە دووەم كۆبوونەوەی هەردوو شاندی دانوستانکاری پارتی و یەكێتی بۆ تاوتوێكردنی پێكهێنانی کابینەی دەیەمی حکوومەتی هەرێمی کوردستان لەو کاتەوەی هەڵبژاردنی پەرلەمانی كوردستان کراوە، کۆبوونەوەی یەکەمی نێوان هەردوو شاند، له 30ـی11ی2024ی مانگیش ڕابردوو لە سلێمانی بەڕێوە چوو.
کۆمێنت (0)
تا ئێستا هیچ کۆمێنتێک نەکراوە.