یاریزانێكی خولی تۆپی پێی میسڕ، بەهۆی دەربڕینی ناڕەزایی بەرامبەر هێنانەدەرەوەی لەنێو یاریگە، رووبەڕووی راهێنەرەكەی دەبێتەوە، بەهۆی ئەم رووداوەش بەیەكجاری واز لە یاریكردنی تۆپی پێ دەهێنێت.
یاریزانەكە ناوی ئەحمەد عەبدواحیدە و یاریزانی یانەی مەنسوڕە لە خولی میسڕ، راهێنەری تیپەكە لە خولەكی 60 دەیهێنێتە ناو یاریگە كاتێك تیپەكەی بە 2 گۆڵ لە دواوەی یانەی مقاولوون بوو، دوای گۆڵی سێیەم، لە خولەكی 70 راهێنەر بڕیاری هێنانەدەرەوەی لەنێو یاریگە دەدات.
یاریزانەكە ناڕەزایی بەرامبەر بڕیاری راهێنەری تیپەكەی دەردەبڕێت و سەرەتا رازی نابێت لەنێو یاریگە بێتە دەرەوە، دوای هەوڵێكی زۆر لەلایەن ناوبژیوان و یاریزانان، بە دڵگرانییەكی زۆرەوە یاریگە جێدەهێڵێت.
لە كاتی هاتنەدەرەوە ئەحمەدی یاریزان ڕووبەڕووی راهێنەری تیپەكەی دەبێتەوە.
دوای رووداوەكە، برایەكی ئەحمەدی یاریزان داوای لێبوردن لە راهێنەر و جەماوەری یانەكە دەكات و دەڵێت كە براكەی بەهۆی تووڕەبوونەوە ئەم كارەی كردووە لە كاتێكدا كە تەمەنی تەنیا 19 ساڵانە.
دواتریش ئەحمەد لە تۆڕەكانی كۆمەڵایەتی دانی بەوە دانا كە كارێكی هەڵەی كردووە، بڕیاریشی دا بەیەكجاری واز لە یاریكردنی تۆپی پێ بهێنێ.
📹 لقطة غريبة في دوري المحترفين المصري "الدرجة الثانية"
— 90+ (@90PlusKora) December 9, 2024
أحمد شاهين لاعب المنصورة يرفض الخروج من الملعب، ويضرب مدربه بسبب استبداله 😮 pic.twitter.com/5xJ2mzZEXW
کۆمێنت (0)
تا ئێستا هیچ کۆمێنتێک نەکراوە.