فەرمانگەی كۆچ و كۆچبەران لە ئەڵمانیا رایگەیاند، بڕیاری بەخشینی مافی پەنابەری بۆ هاووڵاتییانی سووریا راگیراوە و چیتر هاووڵاتییانی ئەو وڵاتە مافی پەنابەرییان پێ نابەخشرێت.
فەرمانگەكە ئاماژەی بەوەداوە كە بەهۆی سەركەوتنی شۆڕشی سووریا و رووخانی رژێمی بەشار ئەسەد، چیتر هاووڵاتییانی سووریا لە ئەڵمانیا مافی پەنابەرییان پێ نابەخشرێت.
راشیگەیاند كە ئێستا 47 هەزار هاووڵاتی سووری لە ئەڵمانیا چاوەڕێی مافی پەنابەری دەكەن و كێسەكانیان یەكلایی نەبووەتەوە، بەڵام لە ئەمڕۆوە سەرجەم داواكارییەكان راگیراون.
جەختیشی كردەوە كە ئیتر بۆ لەمەودوا داواكاری پەنابەری بۆ هاووڵاتییانی سووریا دەچێتە دوایین لیستی فەرمانگەی كۆچ و كۆچبەرانی ئەڵمانیا.
لە ماوەی 15 ساڵی رابردووی بەهۆی دۆخی سووریا و شەڕ و پێكدادانەكان، هەزاران هاووڵاتی سووریا روویان لە وڵاتانی ئەوروپا كردووە و مافی پەنابەرییان پێ بەخشراوە، وڵاتی ئەڵمانیاش لە لیستی یەكەمی ئەو وڵاتانە بووە كە زۆرترین مافی پەنابەرێتی داوەتە هاووڵاتییانی سووریا.
کۆمێنت (0)
تا ئێستا هیچ کۆمێنتێک نەکراوە.