بڕیارە ئەمشەو یەكشەممە بەرپرسانی هاوپەیمانی ئیدارەی دەوڵەت لەگەڵ هەرسێ سەرۆكایەتییەكەی عێراق، كۆبوونەوەیەكی بەپەلە بۆ تاوتوێكردنی دۆخی سووریا ئەنجام بدەن.
لە كۆبوونەوەكەدا لەتیف رەشید سەرۆك كۆماری عێراق، محەمەد شیاع سوودانی سەرۆك وەزیرانی عێراق، فایەق زیدان سەرۆكی ئەنجوومەنی باڵای دادوەری، مەحموود مەشهەدانی سەرۆكی ئەنجوومەنی نوێنەرانی عێراق و بەرپرسانی هاوپەیمانی ئیدارەی دەوڵەت ئامادە دەبن.
لە كۆبوونەوەكەدا دۆخی ئێستای سووریا و سیناریۆكانی دوای رووخانی رژێمی بەشار ئەسەد و كاریگەرییەكانی لەسەر عێراق و توندوتۆڵكردنی سنوورەكان تاوتوێی دەكرێت.
سەرلەبەیانی ئەمڕۆ یەكشەممە چەكدارەكانی دەستەی تەحریری شام كۆنتڕۆڵكردنی شاری دیمەشقی پایتەخت و رووخانی رژێمی بەشار ئەسەد سەرۆكی سووریا و بنەماڵەكەیان راگەیاند.
کۆمێنت (0)
تا ئێستا هیچ کۆمێنتێک نەکراوە.