ڤیدیۆ... گەلی سووریا پەیکەری حافز ئەسەد کە بە سیمبۆلی ڕژێمی سووریا دادەنرێت دەشکێنن

ڕژێمی بەعسی سووریا بەسەرۆکایەتی بەشار ئەسەد دوای 61 ساڵ دەسەڵاتدارێتی ڕووخا.

لەئێستادا باس لەوە دەکرێت کە چارەنووسی سەرۆکی رژێمی سووریا، بەشار ئەسەد نادیارە، ئەوەش داوای دەسەڵاتەکەی لە داوای 61 ساڵ حوکمڕانی لەلایەن ئۆپۆزسیۆنی سووریاوه‌ ڕووخا.

حزبی سۆسیالیستی عەرەبی "بەعس" لە ساڵی 1963 لە ڕێگای کودەتایەوە ھاتە سەر دەسەڵات و حافز ئەسەد باوکی بەشار ئەسەد لە ساڵی 1970 بە کودەتایەکی ناو حزب دەستی بەسەر دەسەڵاتدا گرت و لە ساڵی 1971 بوو بە سەرۆکی سووریا.
بەشار ئەسەد لە ساڵی 2000وە دوای مردنی باوکی، بوو بە سەرۆکی ڕژێمی بەعس و دەسەڵاتی لە سووریا گرتە دەست.
دەسەڵاتی بەشار ئەسەد و بەعس دوای 61 ساڵ حوکمڕانی لە سووریا ڕووخا، ئەوەش داوای ئەوەی گرووپە چەکدارەکان دیمەشقی پایتەختیان کۆنترۆڵ کرد.

لە تۆڕە کۆمەڵایەتییەکاندا دەنگۆی ئەوە بڵاوکراوەتەوە کە داوای کۆنتڕۆڵکردنی دیمەشق لەلایەن گرووپە چەکدارەکانەوە، بەشار ئەسەد بە فڕۆکەیەکی تایبەت دیمەشقی بەجێھشتووە و ڕووی لە شاری لازقییە کردووە.

ھاوکات ژمارەیەک لەو ماڵپەڕانەی کە بەدواداچوون بۆ فڕینی فڕۆکەکان دەکەن، بڵاویان کردووەتەوە، فڕۆکەیەکی تایبەت کە گومان دەکرێت، بەشار ئەسەدی ھەڵگرتبێت دوایین جار لە ڕۆژئاوای حومس بینراوە دوای ئەوەی لە فڕۆکەخانەی نێودەوڵەتی دیمەشق فڕیوە، بەڵام دواتر لە شاشەی ڕاداردا دیار نەماوە.

ھەروەھا ئەو ماڵپەڕانە بانگەشەی ئەوەیان کردووە کە فڕۆکەکە بۆ بەرزایی ھەزار و 600 پێ فڕیوە و دواتر "چەند جوڵەیەکی نائاسایی" کردووە، پێش ئەوەی لە شاشەی راداردا دیار نەمێنێت.

گەلی سووریا وێرای دەربڕینی خۆشی و شادمانی، پەیکەری حافز ئەسەد کە بە سیمبۆلی ڕژێمی سووریا دادەنرێت، دەشکێنن.