ئەمڕۆ هەینی سەربازانی سوپای سووریا بنكە و بارەگا سەربازییەكانیان لە پارێزگای درعا چۆل كرد و هەڵهاتن.
میدیاكانی سووریا بڵاویان كردەوە: ماوەی چەند رۆژێكە چەكداران لەناوخۆی پارێزگای درعا بەشێوەی گرووپ و بە چەكی سووك هێرش دەكەنە سەر بنكە و بارەگاكانی سوپای سووریا.
ئەو سوپا كەمەی كە لە پارێزگای درعا بوو، ماوەی چەند رۆژێك بوو داوای ناردنی هەماهەنگی و چەكیان لە وەزارەتی بەرگریی سووریا كردبوو، بەڵام تا شەوی رابردوو هیچ هاوكارییەكیان پێ نەگەیشتبوو.
بۆیە لە بەرەبەیانی ئەمڕۆ هەینی بەشی هەرە زۆری سەربازانی سوپای سووریا بنكە و بارەگاكانیان لە درعا چۆل كرد و هەڵهاتن.
لەگەڵ فراوانبوونی هێرشەكانی دەستەی تەحریری شام و كۆنتڕۆڵكردنی پارێزگای حەلەب و دواتریش چوونە نێو شاری حەما، گرووپی چەكدار لە زۆربەی شارەكانی سووریا دەستیان بە جموجۆڵ كردووە و ناوەناوە هێرش دەكەنە سەر بنكە و بارەگاكانی سوپای سووریا، بەتایبەتیش لە پارێزگای درعا.
کۆمێنت (0)
تا ئێستا هیچ کۆمێنتێک نەکراوە.