بڕیارە سبەی چوارشەممە ئەنجوومەنی نوێنەرانی عێراق مێوانداری سەرۆك وەزیرانی عێراق بكات بە مەبەستی تاوتوێكردنی پرسێكی هەنووكەیی.
لیژنەی ئەمنی و بەرگریی پەرلەمانی عێراق سەبارەت بە مێوانداریكردنی سەرۆك وەزیران رایگەیاند: بەو پێیەی محەمەد شیاع سوودانی فەرماندەی گشتیی هێزە چەكدارەكانی عێراقە، سبەی لە پەرلەمان مێوانداری دەكرێت بۆ خستنەڕووی دوایین ئامادەكارییە ئەمنی و سەربازییەكان بۆ رووبەڕووبوونەوەی هەر مەترسی و ئەگەرێك بەهۆی دۆخی ئاڵۆزیی ئەم دواییەی سووریا.
لە كۆبوونەوەیەكدا سوودانی پلان و ئامادەكارییەكانی عێراق بۆ رووبەڕووبوونەوەی مەترسییەكان لە سووریا دەخاتەڕوو.
لای خۆشییەوە ئەنجوومەنی نوێنەرانی عێراق پشتگیری تەواوی حكوومەت بۆ هەوڵە سەربازی و دبلۆماسییەكان دووپات دەكاتەوە بۆ دوورخستنەوەی عێراق لە هەر مەترسییەك و هەروەها پاراستنی ئاسایشی و سەقامگیری لە هەر هێرشێكدا.
کۆمێنت (0)
تا ئێستا هیچ کۆمێنتێک نەکراوە.