سەرۆك وەزیرانی عێراق سەبارەت بە شەڕ و پێكدادانەكانی ئێستای سووریا، جەختی كردەوە كە هەر هەڕەشەیەك لەو وڵاتە بكرێتە سەر خاك و سەروەری وڵاتەكەیان بەرپەرچی دەدەنەوە.
ئێوارەی ئەمڕۆ یەكشەممە محەمەد شیاع سوودانی سەرۆك وەزیران و فەرماندەی گشتی هێزە چەكدارەكانی عێراق سەركردایەتی كۆبوونەوەیەكی بەپەلەی ئەنجوومەنی وزاری ئاسایشی نیشتمانی كرد بۆ هەڵسەنگاندنی بارودۆخی ئاڵۆزی ئێستای سووریا.
لە كۆبوونەوەكەدا محەمەد شیاع سوودانی فەرمانی بە پاسەوانی سنوور و سەرجەم هێزەكانی دیكە كرد خاڵە سنوورییەكان توندوتۆڵتر بكەن و توانا هەواڵگرییەكانیان فراوانتر بكەن بۆ رووبەڕووبوونەوەی هاتنەناوەوەی تیرۆر بۆ نێو خاكی عێراق.
سەرۆك وەزیرانی عێراق جەختیشی كردەوە كە ئاسایشی وڵات كاری لە پێشینەی حكوومەتە و هێزەكانیان رووبەڕووی هەر هەڕەشەیەك دەبنەوە بكرێتە سەر خاك و سەروەری عێراق.
کۆمێنت (0)
تا ئێستا هیچ کۆمێنتێک نەکراوە.