شاندێكی هەرێمی كوردستان بە مەبەستی بەشداریكردن لە پێشانگایەك كە زیاتر لە 100 كۆمپانیای جیهانی تێیدا بەشدارن، سەردانی شاری ئەستەنبۆڵی توركیای كرد.
ئەمڕۆ سێشەممە لەسەر بانگهێشتى وەزیرى بازرگانى وڵاتى تورکیا، شاندێکى هەرێمى کوردستان کە پێکهاتبوو لە ئانۆ جەوهەر وەزیرى گواستنەوە و ئومێد خۆشناو پارێزگارى هەولێر و ئایدن مەعروف وەزیرى هەرێم بۆ کاروبارى پێکهاتەکان و ژمارەیەك بەرپرسی دیكە، بەشداربوون لە کردنەوەى پێشانگاى MUSIAD EXP 2024 لە شارى ئیستەنبۆڵ.
لە پێشانگاكەدا جێگرى سەرۆک کۆماری توركیا و ژمارەیەکى تر لە وەزیر و بەرپرس و کاربەدەستانى وڵاتی توركیا بەشداربوون.
كۆمپانیاكانی هەرێمی كوردستان لەگەڵ کۆمپانیاکانى 100 وڵاتی دیكەی جیهان بەشدارن لە پێشانگاكەدا. بڕیاریشە شاندی هەرێمی كوردستان لە پەراوێزى پێشانگاکەشدا چەندین دیدار و کۆبوونەوە ئەنجام بدەن.
کۆمێنت (0)
تا ئێستا هیچ کۆمێنتێک نەکراوە.