سه‌رۆك بارزانی په‌یامێكی ماته‌مینی و هاوخه‌می بۆ كۆچی دوایی هونه‌رمه‌ندی بواری شانۆ و دراما زاهیر عه‌بدوڵڵا ڕاده‌گه‌یه‌نێت و سه‌ره‌خۆشی خۆی ئاراسته‌ی خانه‌واده و كه‌سوكار و ئاشنایانی و ته‌واوی هونه‌رمه‌ندانی كوردستان ده‌كات.
ده‌قی په‌یامی سه‌رۆك بارزانی:
بەناوی خودای مەزن و دلۆڤان
بەداخێكی زۆرەوە هەواڵی كۆچی دوایی هونه‌رمه‌ندی بواری شانۆ و دراما (زاهیر عه‌بدوڵڵا)ـم پێ گەیشت.
زاهیر عه‌بدوڵڵا کەسایەتی و هونەرمەندێکی نیشتیمانپەروەر و دیاری هەولێر بوو کە دڵسۆزانە خزمه‌تی شانۆ و درامای كوردی كردووە.
سه‌ره‌خۆشیی خۆم ئاراسته‌ی خانه‌واده و كه‌سوكار و ئاشنایانی زاهیر عەبدوڵڵا و ته‌واوی هونه‌رمه‌ندانی كوردستان ده‌كه‌م و خۆم به هاوبه‌شی خه‌میان ده‌زانم.
له خودای گه‌وره داواكارم ڕۆحی خوالێخۆشبوو به به‌هه‌شتی به‌رین شاد بكات و سه‌بر و ئارامی به
هه‌موو لایه‌ك ببه‌خشێت.
انا لله وانا الیە راجعون
مسعود بارزانی
23ـی تشرینی دووه‌می 2024
کۆمێنت (0)
تا ئێستا هیچ کۆمێنتێک نەکراوە.