دوای بردنەوەی لە هەڵبژاردەی عومان، هەڵبژاردەی عێراق هەنگاوێكی دیكە لە گەیشتن بە مۆندیالی 2026 نزیك بووەوە.
ئەمشەو سێشەممە هەڵبژاردەی عێراق لە گەڕی شەشەمی قۆناغی سێیەمی یارییەكانی كیشوەری ئاسیا بۆ گەیشتن بە مۆندیالی 2026 بووە مێوانی هەڵبژاردەی عومان.
هەڵبژاردەی عێراق بە تاكە گۆڵی یاریزانی كورد یووسف ئەمین لە خولەكی 36ی گێمی یەكەم، یارییەكەی بۆ بەرژەوەندی خۆی بەكۆتا هێنا.
بەم ئەنجامە هەڵبژاردەی عێراق بەكۆكردنەوەی 11 خاڵ و بەشێوەی كاتی هاتە ریزبەندی دووەمی كۆمەڵەی دووەمی پاڵاوتنەكانی كیشوەری ئاسیا بۆ گەیشتن بە مۆندیال، چاوەڕێی یارییەكەی ئەمشەوی هەڵبژاردەی ئوردن دەكات كە دەبێتە مێوانی هەڵبژاردەی كوێت.
لەلایەكی دیكەشەوە هەڵبژاردەی كۆریای باشوور بە 14 خاڵ هەر لە پێشەنگی كۆمەڵەكەیە هەرچەندە ئەمڕۆ نەیتوانی لە هەڵبژاردەی فەڵەستین بباتەوە و بەئەنجامی 1-1 گۆڵ یەكسان بوون.
کۆمێنت (0)
تا ئێستا هیچ کۆمێنتێک نەکراوە.