ئەمڕۆ سێشەممە لە وڵاتی چین، كەسێك بە ئۆتۆمبێلەكەی بەنێو ئاپۆڕای خەڵك كەوت و بەهۆیەوە 35 كەسی كوشت و 43 كەسی دیكەشی بریندار كرد.
رووداوەكە كاتێك روویداوە كە خەڵكێكی زۆر لە گۆڕەپانێك لە شاری چوهای لە باشووری وڵاتی چین خەریكی وەرزش و ڕاكردن بوون.
تۆمەتبارەكە كە تەمەنی 62 ساڵە، بە ئۆتۆمبێلەكەی بە خێراییەكی زۆر چووەتە ناو خەڵكەكە و كارەساتەكەی ناوەتەوە.
پۆلیسی شاری چوهای رایگەیاند كە دوای رووداوەكە تۆمەتبار دەستگیركراوە.
لە كاتی لێكۆڵینەوەكان، تۆمەتبارەكە دانی بەوە داناوە كە بەهۆی جیابوونەوەی لە هاوسەرەكەی تووشی شلەژانی دەروونی و لەدەستدانی كۆنتڕۆل بووەتەوە و كارەساتەكەی ناوەتەوە.
کۆمێنت (0)
تا ئێستا هیچ کۆمێنتێک نەکراوە.