دوای نیوەڕۆی ئەمڕۆ چوارشەممە لە شاری مووسڵ قوتابییەك بە چەقۆ هاوڕێیەكی خۆی كوشت و یەكێكی دیكەشی بریندار كرد.
رووداوەكە لەنێو یەكێك لە قوتابخانەكانی بەری ڕاستی شاری مووسڵ رووی دا، قوتابییەكی قۆناغی ناوەندی لەگەڵ دوو هاوڕێی دیكەی دەبێتە دەمەقاڵێ و شەڕیان.
لە ئەنجامدا قوتابییەكە بە چەقۆ یەكێك لە هاوڕێكانی دەكوژێت و ئەوەی دیكەش بە سەختی بریندار دەكات.
پۆلیسی پارێزگای نەینەوا رایگەیاند كە توانیویانە قوتابییەكە دەستگیر بكەن و لێكۆڵینەوەكانیش لەسەر هۆكاری كەوتنەوەی شەڕەكە دەستی پێ كردووە.
کۆمێنت (0)
تا ئێستا هیچ کۆمێنتێک نەکراوە.