پله‌كانی گه‌رما نزم ده‌بنه‌وه‌

پێشبینییه‌كانی ڕه‌وشی كه‌ش و هه‌وای ئه‌مڕۆ و سبه‌ی چوارشه‌ممه‌ ڕاگه‌یه‌ندرا.

به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێمی كوردستان بڵاویكرده‌وه‌، ئه‌مڕۆ سێشه‌ممه‌ 17ی9ی2024، ئاسمانی پارێزگاكان ساماڵ ده‌بێت و پله‌كانی گه‌رما كه‌مێك نزم ده‌بێته‌وه‌ له‌ تۆماركراوه‌كانی دوێنێ دووشه‌ممه‌.

به‌ڕێوه‌به‌رایه‌تییه‌كه‌ ئاماژه‌ی به‌وه‌ش داوه‌، سبه‌ی چوارشه‌ممه‌ 18ی9ی2024، ئاسمانی پارێزگاكان ساماڵ و په‌ڵه‌ هه‌ورده‌بێت، له‌گه‌ڵ بوونی تۆزێكی سووك له‌ ناوچه‌كانی باشووری هه‌رێمی كوردستان، پله‌كانی گه‌رماش كه‌مێك نزم ده‌بێته‌وه‌ به‌یه‌ك پله‌ تۆماركراوه‌كانی ئه‌مڕۆ سێشه‌ممه‌. 

بەرزترین پلەکانی گەرمای پێشبینیکراو بە پلەی سیلیزی:
هەولێر:35 پلەى سیلیزى
سلێمانی:35   پلەى سیلیزى
دهۆک:35 پلەى سیلیزى
کەرکوک: 38 پلەى سیلیزى
هەڵەبجە:  36 پلەى سیلیزى
زاخۆ:  36 پلەى سیلیزى
حاجی ئۆمەران: 26 پلەى سیلیزى
سۆران:  33  پلەى سیلیزى
گەرمیان:   39 پلەى سیلیزى