لەسەر رێگەی نێوان بەردەڕەش – رۆڤیا لە نزیك گوندی ئامیان، شوفێرێكی بارهەڵگر لەنێو ئۆتۆمبێلەكەیدا گیانی لەدەست دا.
لەبارەی رووداوەكە عەمید سەعدی بەرزنجی بەڕێوەبەری پۆلیسی بەردەڕەش بە (كوردستان تیڤی) راگەیاند: دواى ئاگاداركردنەوەمان بە بوونی رووداوێكی گیانلەدەستدان، مه فرەزەیەكی پۆليس و تيمێكى تەندروستى گەيشتنه شوێنى رووداوەكە و وەستانى ئۆتۆمبێلە بارهەڵگرەكە.
راشیگەیاند: دەركەوت شوفێری بارهەڵگرەكە لەنێو ئۆتۆمبێلەكەیدا گيانى لەدەستداوه.
هەروەها رایگەیاند: ئەو شوفێرەی گیانی لەدەستداوە تەمەنى لەنێوان 25 بۆ 30 سالانە و خەڵكی پارێزگاى سلێمانیيه.
بەڕێوەبەری پۆلیسی بەردەڕەش ئاماژەی بەوەش دا، تەرمی شوفێرەكە گواستراوەتەوە بۆ پزيشكى دادی و لێكۆڵینەوەكانیش لەسەر رووداوەكە دەستی پێ كردووە.
بەردەڕەش/ سەنگەر گۆران
کۆمێنت (0)
تا ئێستا هیچ کۆمێنتێک نەکراوە.