شارەزایەكی بواری كەشناسی وادەی كۆتاهاتنی گەرمای بەتینی هاوینی راگەیاند و جەختی كردەوە كە لە ماوەی چەند رۆژی داهاتوودا هەوای فێنك روو لە عێراق دەكات و گەرما كۆتایی دێت.
عەلی جابر كە شارەزایەكی كەشناسی عێراقییە دەڵێت: بەرزی پلەكانی گەرما تەنیا سبەی سێشەممە بەردەوام دەبێت، لە دووسبەی چوارشەممەوە پلەكانی گەرما بەشێوەی رێژەیی روو لە دابەزین و نزمبوونەوە دەكەن.
دەشڵێت: رۆژی پێنجشەممە پلەكانی گەرما 2 پلە دادەبەزن، بۆ نموونە لە بەغدای پایتەخت پلەی گەرما دەبێتە 39 پلەی سیلیزی، ئەم دابەزینانەش بۆ رۆژانی داهاتوو بەهەمانشێوە بەردەوام دەبێت.
هەروەها ئاماژەی بەوە دا: لە ئێوارەی رۆژی هەینی داهاتووەوە بەتەواوی هەست بە فێنكی وەرزی پاییز دەكرێت و گەرما كۆتایی دێت.
کۆمێنت (0)
تا ئێستا هیچ کۆمێنتێک نەکراوە.