یه‌كێتی تۆپی پێی نێودەوڵەتی ناسراو به فیفا لۆگۆی چاپی نوێی جامی جیهانی یانەکانی بلاوكرده‌وه به‌مه‌ش گەورەترین لۆگۆی مێژوویی پێشبڕکێکە دەبێت، له‌جامی جیهانی یانه‌كانی داهاتوو به‌سیسته‌می نوێ به‌به‌شداری 32 یانه له‌وڵاتی ئه‌مه‌ریكا به‌رێوه‌ده‌چێت، به‌جۆرێك ئه‌و بۆنه جیهانیه له‌ماوه‌ی نێوان 25ی حوزه‌یرانی 2025 تاوه‌كو 13ی ته‌مووزی2025 ده‌خایه‌نێت.
سی و دوو یانه له‌سه‌رجه‌م كیشوه‌ره‌كان به‌شداری ئه‌م بۆنه جیهانیه ده‌كه‌ن، ئەم پاڵەوانێتییە لە چوارچێوەی هەوڵەکانی فیفایە بۆ ڕەخساندنی دەرفەتی زیاتر بۆ ئەنجامدانی یارییەکان بۆ هەڵبژاردە نیشتمانییەکان و یانەکان بە هەمان شێوە، یەکێک لە ئامانجە ستراتیژییەکانی بەرزکردنەوەی ستانداردەکانی تۆپی پێه لەسەر ئاستی جیهانی، تا ئێستا لە کۆی 32 یانه 30 یانه مافی به‌شداربوونیان به‌ده‌ست هێناوه، ئه‌وه‌ی ماوه‌ته‌وه نوێنه‌ری وڵاتی میواندار و به‌شداریكردنی یانه‌یه‌كی دیكه‌ی كیشوه‌ری ئه‌مه‌ریكای باشووره.
کۆمێنت (0)
تا ئێستا هیچ کۆمێنتێک نەکراوە.