ل دوور داوی بەرهەمێ هونەری بناڤێ کوردمەدار، نڤیسکار و هەلبەستڤانێ کورد ئەمین بۆتانی کو تێکست و ئاواز ژبۆی ئامادەکرینە، د داخویانەکێ دا ژبۆ مالپەرا کوردستان تیڤی وەها گۆت، ئەڤ بەرهەمە، سترانەکا مەزنە ژبۆ کوردەکێ مەزن هاتیە ڤەهاندن، پەیاما وێ هەوار و بانگەکە ژبۆ زیندیهێشتبا دامارێن کوردبوونێ ل جەم مرۆڤێ کورد، بانگەکە ژبۆ سەرۆک بارزانی وەک لێڤەگەرێ کوردان داکو گەل ب باوەری و پشتەڤانییەکا مەزنتر تەڤلی کاروانێ جەنابێ وان ببن.
کوردمەدار بۆ من وەک پەیام و ناڤەرۆک، هەوار و بانگا کوردانە ژپێخەمەت زندیهشتنا دەمارێن کوردبوونێ ل جەم مرۆڤێ کورد، سەرۆک بارزانی هێمایێ ئێکانەیێ کوردستانییانە کو ژ وەندابوونێ و رادەستبوونێ خوە ب پارێزن و بەڕەڤانیێ ژهەبوون و ناسناما خوە بکەن، تێکستا کوردمەدار ژبلی بهایا هونەری و ئەدەبی، هەولەکە ژبۆی ڤەگەڕاندنا رۆلێ هونەر و ستران و کەلتووری ب تەڤایی و کارپێکرنا وان دپرۆسێسا ئاڤاکرنا کەسێتییا مرۆڤێ کورد، ژبۆی ڤەگەڕاندنا هەستێ شانازیکرنێ و رزگارکرنا نڤشێ نو ژڤێ شێلوبێلا ئەم کەفتینێ ب سەدەما پیلانێن نەحەز و نەیاران کو دخوازن کوردان ژهەمی ئارمانجێن وان دلسار بکەن، کوردمەدار ساڕێژکرنا دەردێ نەزانی و گەندەلی و لۆمە و گازندایە، دەرچوونە ژتونێلا تارییا خوەکێمدیتنێ بەرەف رۆناهییا خوەناسینێ و ڤەژەندنا هێزا بەرخوەدانێ بەر ب ئارمانجا مەزن، ئەو بانگ و هەوار ژی هەلبەت بۆ جەنابێ سەرۆک بارزانییە وەک سەرۆک و لێڤەگەڕێ کوردان هەتاکو گەل ب باوەری و پشتەڤانیەکا مەزنتر تەڤلی کاروانێ جەنابێ وی ب بن، کو ئەڤ دەرفەتا دیرۆکی ژدەست مە دەرنەکەڤیت و قەدەرا رەش دووبارە نەبیت، کوردمەدار جۆشدانا هەست و هەلویستا کوردانە بۆ تەڤلیبوونا پرۆژەیێ کوردستانی، ئەوا سەرۆک بارزانی بۆ ریفراندۆمێ و نیشاندانا رۆلێ کوردان وەک پێشمەرگە دپاراستنا نرخێن ژیان و ئازادی و پێکڤەژیانێ و رێزگرتنا جوداهییان، لەوا گەرەکە کورد خوە ب پارێزیت هەتاکو ب کاریت ئەڤ رۆلێ خوە بگێڕیت.
کۆمێنت (0)
تا ئێستا هیچ کۆمێنتێک نەکراوە.