کۆمپانیای ھێڵی ئاسمانیی ئەڵمانی لوفتھانزا بەھۆی پەرەسەندنی گرژییەکانەوە لە ناوچەکە، ھەڵپەساردنی گەشتەکانی بۆ تەل ئەبیب درێژکردەوە.
کەناڵی 12ی ئیسرائیلی بڵاوی کردەوە کە کۆمپانیای ھێڵی ئاسمانیی لوفتھانزا ھەڵپەساردنی گەشتەکانی بۆ تەل ئەبیب تا 26ی ئەم مانگە، درێژکردووەتەوە.
ڕاشیگەیاندووە کە کۆمپانیاکە، ھۆکاری درێژکردنەوەی ھەڵپەساردنی گەشتەکانی بۆ تەل ئەبیب، بۆ پەرەسەندنی گرژییەکان لە ناوچەکە، گەڕاندووەتەوە.
دوێنێ یەکشەممە، ھێڵی ئاسمانی ئەمریکا "American Airlines" سەرجەم گەشتەکانی بۆ ئیسرائیل تا نیسانی 2025 ھەڵپەسارد.
لە مانگی تەمووزی ڕابردووە تا ئێستا، 20 کۆمپانیای ھێڵی ئاسمانیی نێودەوڵەتیی، بەھۆی پەرەسەندنی گرژییەکانی نێوان ئیسرائیل و حزبوڵڵا، گەشتەکانیان بۆ تەل ئەبیب ھەڵپەساردووە.
کۆمێنت (0)
تا ئێستا هیچ کۆمێنتێک نەکراوە.