گوتەبێژی حکوومەتی هەرێمی كوردستان لەگەڵ بەرپرسی دێسکی عێراق لە وەزارەتی دەرەوەی ئەمەریکا کۆبووەوە

پێشەوا هەورامانی، گوتەبێژی حکوومەتی هەرێمی کوردستان، لە باڵەخانەی وەزارەتی دەرەوەی ئەمەریکا، لەگەڵ هەریەک لە تریفە عەزیز، بەرپرسی نوێنەرایەتیی حکومەتی هەرێمی کوردستان و ئێرن نووتن، بەرپرسی دێسکی عێراق لە وەزارەتی دەرەوە کۆ بووەوە.
پرسی هەڵبژاردن، دەستپێکردنەوەی ناردنەدەرەوەی نەوتی هەرێمی کوردستان، پەیوەندییەکانی حکومەتی هەرێم لەگەڵ حکومەتی فیدراڵ و بابەتی مووچە و بودجەی هەرێمی کوردستان بەدرێژی گفتوگۆیان لەسەر کرا.
ئێرن نووتن ڕایگەیاند: "ئەمەریکا بە پەرۆش و جدییە لەوەی ناردنەدەرەوەی نەوتی هەرێمی کوردستان دەست پێ بکاتەوە و بۆ ئەم بابەتەش لە پەیوەندیی بەردەوامدان".