بەڕێوەبەرایەتی گشتیی شەهیدان و ئەنفالكراوانی هەولێر ئاگادارییەكی بۆ بنەماڵەی شەهیدان و ئەنفالكراوان بڵاوكردەوە و داوای لێ كردن لە زووترین كاتدا سەردانیان بكەن، بەپێچەوانەوە مووچەكانیان رادەگیرێت.
لە ئاگادارییەكەی بەڕێوەبەرایەتییەكەدا هاتووە "ئاگاداری بنەماڵەی سەربەرزی شەهیدان و ئەنفالکراوانی سنووری هەولێر دەکەینەوە، ئەوانەی وارسی شەهیدن و بایۆمەتریان نەکردووە، یاخود کۆدی بایۆمەتریان نەهێناوە، پێویستە لە رێكەوتی 11/8/2024 کە دەکاتە ڕۆژی یەکشەممە و ڕۆژانی دواتر، سەردانیان بكەن.
هەروەها هاتووە " پێویستە لەو ماوەیەدا سەردانی بەڕێوەبەرایەتی گشتی شەهیدان وئەنفالکراوانی هەولێر بكەن كە دەكەوێتە گەرەکی (ئازادی)، مەبەستی کاری پێویست، بۆ ئەنجامدان و وەرگرتنی کۆدی بایۆمەتری".
ئاماژە بەوەشدراوە "لەكاتی سەردانەكەدا، پێویستە سەرجەم وارسانی شەهید و ئەنفالكراوان ناسنامەی شەهیدان و کارتی نیشتمانییان پێ بێت".
جەختیش لەوە كراوەتەوە كە، ئەم پرۆسەیە بۆ ماوەی 60 ڕۆژ بەردەوام دەبێت، بەپێچەوانەوە ئەو وارسانەی بایۆمەتریان ئەنجام نەداوە، مووچەکانیان ڕادەگیرێت.
کۆمێنت (0)
تا ئێستا هیچ کۆمێنتێک نەکراوە.