پێپێ بەرگریكاری ناوداری پورتوگالی لە تەمەنی 41 ساڵیدا، بریاری دا سنوورێك بۆ ژیانی وەرزشی دابنێت و بەیەكجاری واز لە یاریكردنی تۆپی پێ بێنێ.
كیپلەر لافێران لیما فێرێرا كە بە پێپێ ناسراوە، ئەمڕۆ پێنجشەممە لە كورتە ڤیدیۆیەكدا لە تۆڕەكانی كۆمەڵایەتی وازهێنانی یەكجاری لە یاریكردنی تۆپی پێ راگەیاند.
پێپێ بەڕەگەز خەڵكی بەڕازیلە و لە تەمەنی 18 ساڵیدا چووەتە پورتوگال و دەستی بە یاریكردن وەك یاریزانێكی پیشەگەر كردووە.
پێپێ لەنێوان ساڵانی 2004-2007 یاریی بۆ یانەی پۆرتۆی پورتوگالی كردووە، دواتر پەیوەندی بە یانەی ریال مەدریدی ئیسپانییەوە كردووە و بۆ ماوەی 10 ساڵ لەو یانەیەدا یاری كردووە.
دوای دوو وەرز یاریكردن لە ریزی یانەی بێشكتاشی توركی، لە ساڵی 2019 دووبارە گەڕایەوە ریزی یانەی پۆرتۆ.
پێپێ ئەمساڵ لەگەڵ هەڵبژاردەی پورتوگال بەشداریی لە یارییەكانی جامی نەتەوەكانی ئەوروپا كرد و لە تەمەنی 41 ساڵی بووە بە تەمەنترین یاریزان لە مێژووی پاڵەوانیەتییەكەدا.
پێپێ لە ماوەی ژیانی وەرزشیدا زۆرێك لە جامی پاڵەوانیەتییە جیهانییەكانی بردۆتەوە، تەنیا لە جامی جیهانی بێ بەش بووە.
پێپێ لەگەڵ یانەی پۆرتۆ 4 ناسناوی خولی پورتوگال و 5 جامی پورتوگالی بردۆتەوە، لەگەڵ 3 جامی سوپەری پورتوگال.
لەگەڵ یانەی ریال مەدرید 3 ناسناوی خولی ئیسپانیا، 2 جامی شای ئیسپانیا و 2 جامی سوپەری ئیسپانیای بردۆتەوە.
لەگەڵ یانە ئیسپانییەكە هەروەها 3 جامی خولی یانە پاڵەوانەكانی ئەوروپا و 2 جامی جیهانی یانەكان و جامێكی سوپەری ئەوروپای بەدەستهێناوە.
لەگەڵ هەڵبژاردەی پورتوگالیش جارێك بووەتە پاڵەوانی جامی یۆرۆی 2016 و جارێكیش بووەتە پاڵەوانی خولی نەتەوەكانی ئەوروپا لە وەرزی 2018-20219.
کۆمێنت (0)
تا ئێستا هیچ کۆمێنتێک نەکراوە.