دانی کارڤاخاڵ، بەرگریکاری یانەی ڕیال مەدرید، شانبەشانی خۆسێلۆ ، لە بینای شارەوانی بۆادیا دێل مۆنتی لە ناوچەی مەدرید ڕێزی لێگیرا، دوای بەشداریکردنی لە بردنەوەی پاڵەوانێتی یۆرۆی 2024له‌گه‌ڵ هەڵبژارده‌ی ئیسپانیا .
كارفاخال له نێو خۆشی و ئاهه‌نگ گێرانی لێدوانێكی داو ووتی، با ئێستاوه خۆمان ئاماده بكه‌ین بۆ به‌ده‌ستهێنانی مۆندیال، سەرۆکی شارەوانی شارەکە، فرانسیسکۆ خافێر ئوبێدا، پێشوازی لە بەرگریکاری ڕاستی یانەی شاهانە و خوسێلۆی هێرشبەری یانەی ئەلغەرافه‌ی قەتەرییەوە کرد.
هەروەها پێشوازی لە یەکێک لە کەسایەتییە ناودارەکانی شارەکە کرد، کە یاریزانی هونەری جەنگی ئیلیا تۆپوریایە، دوای واژۆکردنی کتێبی شەرەف، کارڤاخال و خۆسێلۆ چوونە دەرەوە بۆ باڵکۆنی بینای شارەوانی و هاندان و چەپڵەیان لەلایەن کۆمەڵێک هاندەرەوە وەرگرت کە ئاهەنگیان گێڕا بە بردنەوەی نازناوی چوارەمی ئەو پاڵەوانێتییە.
کارڤاخال لە باڵکۆنەکەوە قسەی بۆ هاندەران کرد و وتی، ئێمە هەستمان بە گەرمی هەستەکانتان کرد بە درێژایی پاڵەوانێتی یۆرۆ، وه ئێوەش چێژتان له‌یاریه‌كانمان وه‌رگرت ، یاری کۆتاییش بە شێوەیەکی سەرسوڕهێنەر بوو زۆر سوپاس بۆ پشتگیرییەکان و ئێستا با شەڕ بکەین بۆ مۆندیال.
لای خۆیه‌وه خۆسێلۆ سوپاسی دانیشتوانی شارەوانی پۆئادیا دێل مۆنتی کرد و وتی، ئێوە ڕۆڵێکی گەورەتان بینی بە درێژایی پاڵەوانێتییەکە، وەک زۆرێک لە شارەوانییەکانی دیکە هەست بە شانازی دەکەین بە ئامادەبوونمان و دڵخۆشین بەو شتانەی کە بەدەست هاتوون، هیوادارین ئه‌م هاندانه به‌رده‌وام بێت بۆ ئه‌وه‌ی له داهاتووشدا ئه‌نجامی باشتر به‌ده‌ست بێنین.
کۆمێنت (0)
تا ئێستا هیچ کۆمێنتێک نەکراوە.