ئه‌مڕۆ شه‌ممه 20ی7ی2024، په‌رله‌مانی عێراق یەکەم کۆبوونەوەی وەرزی دووەمی یاسادانان دەستپێدەکاتەوە.
به گوێره‌ی به‌رنامه‌ی كاری كۆبوونه‌وه‌كه‌ش، دانیشتنه‌كه كاتژمێر 11 ده‌ستپێده‌كات و 4 تەوەر لەخۆ دەگرێت، له بڕگەی یەکەم خوێندنەوەی یەکەم بۆ هەمواری یەکەمی ماددەی حه‌ڤده لە پرۆژە یاسای ژمارەی دووی ساڵی دووهه‌زار و شازده‌ی دامەزراوەی شەهیدان ده‌كرێت.
لە بڕگەی دووەمدا، خوێندنەوەی یەکەم بۆ ماددەی دووەم، لە پرۆژە یاسای پەسەندکردنی ڕێککەوتننامەی خزمەتگوزاریی ئاسمانی نێوان حکوومەتی عێراق و حکومەتی ئازەربایجان دەکرێت.
هەروەها له بڕگەی سێیەم خوێندنەوەی دووەم و گفتوگۆ لەسەر پرۆژەیاسای دەزگای هەواڵگریی نیشتمانی ده‌كرێت و دواتریش خوێندنەوەی دووەم بۆ پێشنیازەیاسای هەمواری یەکەمی یاسای پاسپۆرت ده‌كرێت.
کۆمێنت (0)
تا ئێستا هیچ کۆمێنتێک نەکراوە.