درەنگانی شهوی رابردوو، ئومێد خۆشناو، پارێزگارى هەولێر، بەمەبەستی ئاگاداربوون لە باری تەندروستی و ڕێرەوی چارەسەرە پزیشکیەکانی، سەردانی یاریزانی پێشووی یانهی ههولێر و ئەستێرەی دیاری کوردستان "دیار ڕەحمان"ی کرد، كه لە ئێستادا بەهۆی نەخۆشیەکەیەوە باری تەندروستی ناجێگیرە و لە نەخۆشخانەیە.
پارێزگاری هەولێر لە سەردانەکەیدا، لە نزیکەوە لە ڕەوشی تەندرویستی و ڕێرەوەى چارەسەرە پزیشکیەکانى پرسی و ئامادەیی هەموو پاڵپشتى و هاوکاریەک و ئاسانکاریەکى نیشاندا بۆ چارەسەرکردنى، داواشی لە پزیشک و کارمەندانی نەخۆشخانەکە کرد هەرچی پێویستە بۆ چارەسەری ئەنجامی بدەن.
جێگەی باسە، دیار ڕەحمان، ئەستێرە و یاریزانی دیاری کوردستان، پێشتر لە ریزی هەریەك لە یانەكانی هەولێر و برووسك یاریی كردووە و لە ریزی هەڵبژاردەی كوردستانیش بەشداری لە پاڵەوانیەتیی كۆنیڤای هەرێمەكان كردووە، لە ساڵی 2018 تووشی نەخۆشییەكی دەگمەن و كتوپڕ بووە، ماوەیەک لەمەوبەریش بە مەبەستی وەرگرتنی چارەسەری پزیشكی لەسەر ڕاسپاردەی مەسرور بارزانی، سەرۆکی حکومەتی هەرێمی کوردستان، ڕەوانەی ویلایەتە یەكگرتووەكانی ئەمەریكا کرا.
پارێزگاری هەولێر سەردانی یاریزان و ئهستێرهی دیاری کوردستان "دیار ڕەحمان"ی کرد
![](/content/upload/1/root/450186735-485471884031882-2783632113837542367-n_w900_h900.jpg)
100%
کۆمێنت (0)
تا ئێستا هیچ کۆمێنتێک نەکراوە.