ئه‌مەریكا هۆشدارییه‌كى به‌په‌له و توند به سەرۆك وەزیران و حکوومەتی عێراق ده‌دات و داوای لێ ده‌كات هه‌رچى زووه جله‌وى حه‌شدى شه‌عبى و هێزه چه‌كداره‌كانى دیكه بكات، بەتایبەت بەهۆی هێرشەكانی چەند رۆژی رابردوو بۆ سەر چێشتخانە و براندە ئەمەریكییەكان لە شاری بەغدا.
ماتیۆ میلەر گوتەبێژی وەزارەتی دەرەوەی ئەمریکا لەمبارەیەوە دەڵێت "ئەندامانی حەشدی شەعبی لە چالاکی توندوتیژی و ناسەقامگیری لە عێراق و سووریا بەشدارن، ئێمە نیگەرانین لەبارەی ئەوەی ئەندامانی حەشدی شەعبی گوێڕایەڵی فەرماندەی گشتی هێزە چەکدارەکانی عێراق نین و لە چالاکی توندوتیژی و ناسەقامگیریدا لە عێراق و سووریا بەشدارن".
هەروەها دەڵێت "هێرشکردنە سەر سەبازەکانی ئەمریکا و هاوپەیمانان و سەربازانی سوپای عێراق و شوێنە بازرگانییەکان، ئاسایش و ئابووریی عێراق پێشێل دەکەن، بۆیە داوا لە محەمەد شیاع سوودانی سەرۆك وەزیران و حکوومەتی عێراق دەكەین جلەوی ئەو لایەنانە بکات و بە بەرپرسیاریان دابنێت لە بەرامبەر پێشێلكردن و شکاندنی یاسادا".
ئەمە لەكاتێكدایە كە ماوەی چەند ڕۆژێکە لە پارێزگاکانی ناوەڕاست و باشووری عێراق، هێرشکردنە سەر ئەو شوێنە بارزگانی و دامەزراوانەی براندی ئەمەریکی و ڕۆژئاوایین دەستی پێ کردووە، بەتایبەت لە بەغدای پایتەخت كە زنجیرە چێشتخانەکانی "کەی ئیف سی" ناچاربوونە بەهۆی ئەم هێرشانەوە سەرجەم لقەکانیان دابخەن.
کۆمێنت (0)
تا ئێستا هیچ کۆمێنتێک نەکراوە.