میدیاكانی ئێران بڵاویان كردەوە، ئەمڕۆ یەكشەم هێلیكۆپتەرێك كە سەرۆك كۆماری ئێرانی دەگواستەوە، لە سنووری پارێزگای ئازەربێجانی رۆژهەڵات تووشی رووداوێك بووەتەوە و بەزەحمەت توانیویەتی بنیشێتەوە.
بەگوێرەی تەلەفزیۆنی ئێران: ئەمڕۆ یەكشەم ئیبراهیم رەئیسی سەرۆك كۆماری ئێران بەنیازی سەردانیكردنی پارێزگای تەورێز لەسەر سنووری ئازەربایجان بووە، لەناكاو ئەو هێلیكۆپتەرەی دەیگواستەوە تووشی رووداو بووە.
بڵاویشی كردەوە: هێلیكۆپتەرەكە بەهۆی خراپی كەشوهەوا هاوسەنگی لەدەستداوە و بەزەحمەت توانیویەتی لە چۆلاییەك بنیشێتەوە.
هەروەها بڵاوی كردەوە: تیمەكان خەریكی ئەوەن بگەنە شوێنی نیشتنەوەی هێلیكۆپتەرەكە و هیوا هەیە سەرجەم سەرنشینەكانی ناوی سەلامەت بن.
ئاماژەی بەوەشدراوە كە لەنێو هێلیكۆپتەرەكەدا هەریەك لە ئیبراهیم رەئیسی سەرۆک کۆماری ئێران، حوسێن ئەمیر عەبدوڵاهیان وەزیری دەرەوە، ئایەتوڵا ئەلهاشم پێشنوێژی پارێزگای تەورێز و مالیک رەحمەتی پارێزگاری تەورێزی تێدابووە.
کۆمێنت (0)
تا ئێستا هیچ کۆمێنتێک نەکراوە.