فەرماندەیی ناوەندیی ھێزەکانی ئەمریکا (CENTCOM) ڕایگەیاند، مووشەکێکی بالیستی و دوو فڕۆکەی بێفڕۆکەوانییان تێکشکاندووە کە لەلایەن حووسییەکانەوە لە یەمەن ئاراستەکرابوون.
فەرماندەیی ناوەندیی ھێزەکانی ئەمریکا لە ڕاگەیاندراوێکدا ئاماژەی بەوەداوە کە ھێزەکانیان لەچوارچێوەی بەرگرییکردنی لەخۆیان، مووشەکێکی بالیستی و دوو فڕۆکەی بێفڕۆکەوانیان تێکشکاندووە کە لە ناوچەکانی ژێر کۆنترۆڵی حووسییەکانیان لە یەمەن، ئاراستەکرابوون.
باسی لەوەش کردووە کە تێکشکاندنی فڕۆکە بێفڕۆکەوانەکان، زیانیان بە کەشتییە جەنگییەکانی ئەمریکا و ھاوپەیمانان لە ناوچەکە نەگەیاندووە.
لە ڕاگەیاندراوەکە، ئاماژە بەو ناوچەیە نەدراوە کە مووشەکە بالیستییەکە و فڕۆکە بێفڕۆکەوانەکان تیایدا تێکشکێندراوە.
تا ئێستا، حوووسییەکان ھیچ ڕاگەیاندراوێکیان لەوبارەیەوە بڵاونەکردووەتەوە.
کۆمێنت (0)
تا ئێستا هیچ کۆمێنتێک نەکراوە.