Erbil 33°C دووشەممە 15 تەمووز 09:19

ئێران... 3 هاووڵاتی كورد به‌ تۆمه‌تی به‌شدارییان له‌ ڕێوره‌سمه‌كانی جه‌ژنی نه‌ورۆز ده‌ستگیركران

کوردستان TV
100%


رێكخراوی هه‌نگاو بۆ مافه‌كانی مرۆڤ رایگه‌یاند، سێ هاووڵاتیی بە ناوەکانی محەممەد سوڵتانپوور خەڵکی گوندی "دێ شەمس"، غەفوور شێخ ئەحمەدی تەمەن 50 ساڵ و خەڵکی گوندی "عالیاوێ" و جەعفەر ڕەسووڵی 36ساڵ لە گوندی "بێمزورتێ" سەر بە شاری شنۆ لەلایەن هێزه‌ ئه‌منییه‌كانی ئێرانه‌وه‌ ده‌ستگیركران.

 هه‌نگاو ئاماژه‌ی به‌وه‌ش داوه‌، ئەم سێ هاووڵاتییە لە ماڵی خۆیان بە بەکارهێنانی توندوتیژی و بەبێ نیشاندانی هەرجۆرە بەڵگەیکی دادوەری دەستگیركراون.

سەرچاوەیک نزیک لە بنەماڵەی یەکێک لەم سێ هاووڵاتییە بە رێكخراوی هەنگاوی  راگه‌یاند: " ئەم سێ هاووڵاتییە بە هۆی بەڕێوەبردن و بەشداری لە ڕێوڕەسمەکانی تایبەت بە نەورۆز دەستگیركراون.

له‌ كۆتاییدا ئاماژه‌ به‌وه‌ش كراوه‌، تا کاتی داڕشتنی ئەم هەواڵە، زانیارییەکی ورد لەسەر چارەنووس و شوێنی ڕاگیرانی ئەم سێ هاووڵاتییە لە بەر دەستدا نییە.

ئێران

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.