ئێوارەی ئەمڕۆ دووشەممە لە كاتی بەڕێوەچوونی نوێژی مەغریب، هێرشكرایە سەر مزگەوتێك لە ئەفغانستان و بەهۆیەوە 7 نوێژخوێن كوژران، لەنێو كوژراوەكان ئیمامی مزگەوت و منداڵێك هەن.
هێرشەكە لەلایەن چەند چەكدارێكی نەناسراوەوە كراوەتە سەر مزگەوتی ئیمام كە تایبەتە بە مزهەبی شیعەكان لە هەرێمی هیرات لە رۆژئاوی ئەفغانستان.
لە هێرشەكەدا بەشێوەیەكی گشتی 7 نوێژخوێن كوژراون، لەنێویاندا ئیمامی مزگەوتەكە و منداڵێك هەن، دوای ئەنجامدانی هێرشەكەش هێرشكاران بۆی دەرچوون.
تا ئێستا هیچ گرووپێك بەرپرسیارەتی هێرشەكەی لە ئەستۆ نەگرتووە و وەزارەتی ناوخۆی حكوومەتی تاڵیبانیش هیچ زانیارییەكی لەبارەی هێرشەكەوە نەدركاندووە.
کۆمێنت (0)
تا ئێستا هیچ کۆمێنتێک نەکراوە.