لەسەر ڕێگای کەلار لە شارەدێی باوەنووڕ نزیک گوندی چاڵەڕەش، ئۆتۆمبێلێک وەرگەڕا و حەوت کەس برینداربوون.
هاتوچۆی گەرمیان لەبارەی رووداوەكە رایگەیاند: رووداوەكە ئەمڕۆ یەكشەممە رووی دا و تێیدا لەسەر ڕێگای کەلار لە شارەدێی باوەنور ئۆتۆمبێلێکی جۆری (کیا سۆرێنتۆ) بە ئاراستەی کەلار هاتووە، لە نزیک گوندی (چاڵە ڕەش) کۆنترۆڵی لەدەستداوە و وەرگەڕاوە.
لە ئەنجامی رووداوەكەدا شۆفێری ئۆتۆمبیلەکە و شەش لە سەرنشینەکانی بریندار بوون.
بریندارەکان ڕەوانەی نەخۆشخانەی فریاکەوتنی شەهید هەژار کران و لەلایەن تیمەكانی هاتوچۆ لێکۆڵینەوە لە ڕووداوەکە دەستی پێ کردووە.
کۆمێنت (0)
تا ئێستا هیچ کۆمێنتێک نەکراوە.