ئەمڕۆ دووشەم هاووڵاتییەك كە تازە لە بەریتانیا گەڕاوەتەوە، لەناو ئاو لە گوندێی سنووری شارەدێی هەڵشۆ خنكا.
پۆلیسی راپەڕین بڵاوی كردەوە: هاووڵاتییەکی خەڵکی شارەدێی چوارقوڕنە دانیشتووی وڵاتی بەریتانیا بەناوی (ج. ق) لەدایکبووی ساڵی 1997 لە نزیک گوندی شێنێ سەر بە شارەدێ هەڵشۆ لە کاتی پەڕینەوەی ڕووبارێکی گوندەکە کەوتۆتە ناو ئاوەکە و بەو هۆیەشەوە خنکاوە.
بڵاویشی كردەوە: دوای ئاگادارکردنەوەمان دەستبەجێ هێزەکانی پۆلیسی فریاکەوتنی قەڵادزێ گەیشتنە شوێنی ڕووداوەکە و دوای دەرهێنانەوەی تەرمەکە گواستویانەتەوە بۆ نەخۆشخانەی فریاکەوتنی قەڵادزێ.
کۆمێنت (0)
تا ئێستا هیچ کۆمێنتێک نەکراوە.