ئیکرەم ئیمام ئۆغڵو سەرۆکی گەورە شارەوانی ئیستەنبوڵ ئاماژە بەوە دەکات، میللەتی کورد میللەتێکی ڕەسەنن و ئەو خۆی بە دۆستی گەلی کوردستان دەزانێت.
لە وەڵامی پەیامی پیرۆزبایی لاوانی دیموکراتی ئەوروپا کە لەرێگەی فەلاح حەسەن لاوێكی کوردەوە بەبۆنەی سەرکەوتنی لە هەڵبژاردنی ئەنجومەنی گەورە شارەوانی ئیستەنبوڵ ئاراستەی کرابوو، ئیکرەم ئیمام ئۆغڵو سوپاسی گەلانی ئەوروپا دەکات.
فەلاح حەسەن، جێگری سەرۆکی لاوانی سیاسی ئەوروپا رایگەیاند: هەوڵیانداوە پردی دۆستایەتی ئیکرەم ئیمام ئۆغڵو و لاوانی ئەوروپا دروست بکەن، ئاماژەی بەوەشکرد، لەکاتی بوومەلەرزەکانی تورکیادا، ئیمام ئۆغڵو پیرۆزبایی لە لاوانی کوردستان کرد کە لەسەر ئاستی ووڵاتانی ئەوروپی لە رێگەی سیاسەتەوە خزمەت مرۆڤایەتی دەکەن.
فەلاح حەسەن رایگەیاند: ئیکرەم ئیمام ئۆغلو ستایشی گەلی کوردستان دەکات و پێی وایە میللەتی کورد میللەتێکی رەسەنە، بۆیە خۆی بە دۆستی گەلی کوردستان دەزانێت.
کۆمێنت (0)
تا ئێستا هیچ کۆمێنتێک نەکراوە.