وه‌زاره‌تی دارایی و ئابووری له دابه‌شكردنی مووچه‌ی مانگی شوباتی فه‌رمانبه‌ران به‌رده‌وامه و ئه‌مڕۆ و سبه‌ی سێشه‌م 13 وه‌زاره‌ت و شوێن مووچه وه‌رده‌گرن.
بەپێی ئەو خشتەیەی وەزارەتی دارایی و ئابووری حكوومەتی هەرێمی كوردستان بڵاوی كردۆتەوە، ئەمڕۆ دووشه‌م 1ی4ی2024، مووچه‌ی مانگی شوباتی ئه‌م وه‌زاره‌تانه دابه‌شده‌كرێت: بازرگانی و پیشه‌سازی، سامانه سروشتییه‌كان، گواستنه‌وه و گه‌یاندن، كشتوكاڵ و سه‌رچاوه‌كانی ئاو، شاره‌وانی و گه‌شت و گوزار، ئاوه‌دان كردنه‌وه و نیشته‌جێ كردن، رۆشنبیری و لاوان،
سبه‌ی سێشه‌م 2ی4ی2024، مووچه‌ی ئه‌م شوێنانه دابه‌شده‌كرێت، وه‌زاره‌تی كاره‌با، وه‌زاره‌تی خوێندنی باڵا، وه‌زاره‌تی كاروباری شه‌هیدان و ئه‌نفالكراوان، كه‌س و كاری شه‌هیدان، زیندانییه سیاسییه‌كان،خانه‌نشینی پێشمه‌رگه.
رۆژی پێنجشەمی داهاتوو بە دابەشكردنی مووچەی "هێزی زێرەڤانی، هێزی بەرگری فریاكەوتن، هێزەكانی یەكەی 70 و 80، پۆلیسی دامودەزگا نەوتییەكان و سەرۆكایەتی هەرێم" كۆتایی بە دابەشكردنی مووچەی مانگی دووی فەرمانبەران دەهێنێت.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.