بەڕێوەبەرایەتی گشتیی كارەبای پارێزگای سلێمانی رایگەیاند كە بۆ رۆژانی جەژن پلانیان داناوە بە كارەبای نیشتمانی و مۆلیدە ئەهلییەكان، 24 كاتژمێر كارەبا بدەن بە هاووڵاتییان.
بەڕێوەبەرایەتییەكە رایگەیاند: ئەمڕۆ یەكشەم بەرنامەی كاركردنی مۆلیدە ئەهلییەكان بۆ مانگی نیسان لە سنووری پارێزگای سلێمانی دیاری كرا و تێیدا هەندێك گۆڕانكاری كرا بەمشێوەی خوارەوە:-
- لە ئەمڕۆ یەكشەمەوە تا یەكەم رۆژی جەژن، مۆلیدە ئەهلییەكان رۆژانە لە كاتژمێر (1:00)ى پاش نیوەڕۆ تا (5:00)ى به‌ره‌به‌یان كار ده‌كه‌ن.
- رۆژانی جەژن كاركردنیان 24 كاتژمێری دەبێت و هەركاتێك كارەبای نیشتمانی كوژایەوە، پێویسته كارەبا بدەن به هاووڵاتییان.
- دوای جەژن تا كۆتایی مانگی نیسان رۆژانە لە كاتژمێر (12:00)ى پاشنیوەڕۆ تا (1:00)ی شەو كار دەكەن، هەروەها بەیانیانیش لە کاتژمێر 6:30 تا 8:00ى بەیانى کار دەکەن، بەڵام رۆژانی هەینی و شەممە بەیانیان كار ناكەن و لە بڕی ئەوە كاتژمێر (11:00)ی پێشنیوەڕۆ كار دەكەن.
کۆمێنت (0)
تا ئێستا هیچ کۆمێنتێک نەکراوە.