مەزڵووم عەبدی سەرەخۆشی لە سەرۆك بارزانی دەكات

بۆ كۆچی دوایی زەكیا مستەفا بارزانی، مەزڵووم عەبدی، فەرماندەی هێزەكانی سووریای دیموكرات (هەسەدە)، پەیامێكی سه‌ره‌خۆشی ئاراستەی سەرۆك بارزانی دەكات.

لە پەیامەكەی مەزڵووم عەبدیدا هاتووه‌، بە غەمگینییەوە هەواڵی كۆچی دوایی خوشكی سەرۆك بارزانی (زەكیا مەلا مستەفا بارزانی)مان بیست.

ده‌شڵێت، كاك مەسعود بارزانی و تەواوی ئەندامانی ماڵباتیان ساغ بن و خودای دلۆڤان لە كۆچكردوو خۆش بێت و رۆحی شاد بكات.

سه‌ر له‌ به‌یانی رۆژی هه‌ینی 23ـی 2ی 2024، زەکیا مستەفا بارزانی، خوشكی  سه‌رۆك بارزانی به‌ نه‌خۆشی كۆچی دوایی كرد.

یەکەم رۆژی پرسەی خوالێخۆشبوو زەکیا مستەفا بارزانی ئه‌مڕۆ شەممە 24ی 2ی 2024، لە هۆڵی تەشریفاتی بارەگای بارزانی لە شارۆچكەی سەڵاحەددین بەڕێوەچوو .

بارەگای بارزانی لە راگەیەندراوێکدا دوێنێ هه‌ینی رایگه‌یاند، پرسەی خوشکی جەنابی سەرۆک بارزانی خوالێخۆشبوو زەکیا مستەفا بارزانی، لە رۆژی شەممە 24ی 2ی 2024 بۆ ماوەی سێ ڕۆژ لە هۆڵی تەشریفاتی بارەگای بارزانی لە شارۆچكەی سەڵاحەددین بەڕێوەدەچێت.

لەبارەی کاتی پرسه‌وه‌، بارەگای بارزانی رايگه‌یاندووه‌، بەیانیان، كاتژمێر 10هەتا 12ی پێشنیوەڕۆ و ئێواران، كاتژمێر 2 هەتا5ـی ئێوارە، پرسە لە هۆڵی تەشریفاتی بارەگای بارزانی بەڕێوەدەچێت.