ئه‌فسانه‌یه‌كی یانه‌ی ریال مه‌درید كۆچی دوایی كرد

یانه‌ی ریال مه‌دریدی ئیسپانی ئه‌مڕۆ سێشه‌م كۆچی دوایی ئه‌فسانه‌ و گۆڵپارێزی پێشووی تیپه‌كه‌یان ئه‌نخێل گۆنسالێس له‌ ته‌مه‌نی 76 ساڵیدا راگه‌یاند.

یانه‌ی ریال مه‌درید له‌ به‌یاننامه‌یه‌كدا رایگه‌یاند" به‌ناوی سه‌رۆك و ئه‌نجوومه‌نی كارگێڕی یانه‌كه‌مان پرسه‌ و سه‌ره‌خۆشی خۆمان به‌هۆی كۆچی دوای یه‌كێك له‌ ئه‌فسانه‌ و گۆڵپارێزه‌ مێژووییه‌كانی یانه‌كه‌مان و هه‌ڵبژارده‌ی ئیسپانیا راده‌گه‌یه‌نین ئه‌ویش میگێل ئه‌نخێل گۆنسالێسه‌.

به‌گوێره‌ی میدیاكانی ئیسپانیا گۆنسالێس ماوه‌یه‌كی درێژ بوو به‌ ده‌ست نه‌خۆشی تێكچوونی ده‌ماره‌كانی جه‌سته‌ی ده‌یناڵاند.

گۆنسالێس له‌نێوان ساڵانی 1968 تا 1986 له‌ ریزی یانه‌ی ریال مه‌درید یاری كردووه‌ و له‌و ماوه‌یه‌شدا به‌شداری له‌ 346 یاریی یانه‌كه‌دا كردووه‌.

گونسالێس له‌ ماوه‌ی یاریكردنیدا له‌ ریزی یانه‌ی ریال مه‌درید به‌كۆی گشتی 16 ناسناوی به‌ده‌ستهێنابوو كه‌ خۆی له‌ 8 ناسناوی خولی ئیسپانیا و 2 جامی یه‌كێتی ئه‌وروپا بوو.