حووسییەکان لە یەمەن ڕایانگەیاند کە ھێزەکانی ئەمریکا و بەریتانیا، 15 ھێرشی ئاسمانییان بۆسەر ژمارەیەک ناوچەی پارێزگاکانی سەعدە باکووری یەمەن و حودەیدە ڕۆژئاوای ئەو وڵاتە ئەنجامداوە.
کەناڵی مەسیرە سەربە حووسییەکان بڵاوی کردەوە کە بەرەبەیانی ئەمڕۆ دووشەممە، ھێزەکانی ئەمریکا و بەریتانیا لە میانی 15 ھێرشی ئاسمانییدا، ژمارەیەک ناوچەیان لە پارێزگاکانی سەعدە و حودەیدە، بۆردومان کردووە.
کەناڵەکە، ئاماژەی بە زیانی ھێرشەکانی ئەمریکا و بەریتانیا بۆسەر پارێزگاکانی سەعدە و حودەیدە نەداوە.
دوێنێ یەکشەممە ھێزەکانی ئەمریکا و بەریتانیا لە میانی زنجیرەیەک ھێرشی ئاسمانییدا، 36ئامانجی حووسییەکانیان لە 13 ناوچەی یەمەن بۆردومان کرد.
کۆمێنت (0)
تا ئێستا هیچ کۆمێنتێک نەکراوە.