Erbil 15°C پێنجشەممە 22 شوبات 14:54

دەرهێنەرا کورد کچا دهوکێ فلمه‌ك دبەتە فیستەڤاڵا بەرلینالێ

کوردستان TV
100%

دەرهێنەرا کورد (سولین یووسف) فلمەک نوێ بەرهەم ئینایە بناڤێ (Sieger sein) یانژی بکوردی (براوە)، فلمێ وئ ل فیستەڤاڵا 74ـه‌مین یا جیهانیا فلمان بەرلینالێ بەشێ گەنەراسیۆن هاتیە وەرگرتن.

سولین یووسف بۆ (کوردستان تیڤی) زێدەتر گۆت ئەو زۆر خوەشحاڵە فلمێ وێ ل بەرلینالێ هاتییە وەرگرتن.

هه‌روه‌ها گۆت فلم بەحسێ ژیانا کچەکا کورد دکەت ژ رۆژئاڤایێ کوردستانێ هاتییە ئەڵمانیا و ل ڤێرێ ژیانەک نوێ دەست پێ دکەت.

گۆتژی: فلم یێ نڤشێ نوێ یە ل سەر زارۆکانە، لێ دا دیارکرن مەزن ژی پێ ئاشنا دبن، ژیانا کۆمەڵایەتی دەتە دیار کرن.

دەرهێنەر سۆلین گوت، دەمەکێ درێژە ئەو دخوازیت فلمەکی ل سەر زارۆکان بەرهەم بێنیت و ژیانا  وان بڕێکا سینەمایێ بەرچاڤ بکەت.

فلمێ بکوردی (براوە) یانژی (Sieger sein) ل بەرلین و دهۆک هاتییە وێنەکرن. 

فیستەڤاڵا بەرلینالێ ئیک ژ مەزنترین فیستەڤاڵێن جیهانی یێن فلمانە، ساڵانە کێبرکی دهێتەکرن ژ بۆ   دەستنیشانکرنا باشترین فلم و پێدانا خەڵاتێ (هرچا زێرین).

سۆلین یووسف گوت دهێت چاڤەڕێکرن كو هرچا زێرین بوێ بهێتە بەخشین.

دەرهێنەر سۆلین یووسف ژ ماڵباتەک دهوکێ یە، زێدەتر ژ بیست ساڵانە ئەو ل ئەڵمانیا دژێت و  باوەڕناما ئەکادیمیا سینەمایێ ل ئەڵمانیا وەرگرتییە، خودان چەندین بەرهەمێن سینەمایی یە و ئێکەم فلمێ وێ ژیڤمالا بێ بان بوویە.

به‌رلین / خالید عه‌لی

کولتوور و هونه‌ر هه‌مه‌ره‌نگ

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.