ئه‌و شوێنانه‌ی پێشبینی ده‌كرێ ئه‌مشه‌و به‌فریان لێ ببارێت

به‌شی پێشبینی كه‌شوهه‌وا سه‌ر به‌ وه‌زاره‌تی گواستنه‌وه‌ و گه‌یاندن ناوی ئه‌و شوێنانه‌ی بڵاو كرده‌وه‌ كه‌ پێشبینی ده‌كرێ ئه‌مشه‌و به‌فریان لێ ببارێت.

به‌شی پێشبینی كه‌شوهه‌وا بڵاوی كرده‌وه‌: ئەمشەو ئاسمانى هەرێم هەور دەبێت لەگەڵ نمەبارانى پچڕپچڕ لە ناوچەى جیاجیا بە تایبەت لە ناوچەکانى باکورى هەرێم.

بڵاویشی كرده‌وه‌: هه‌روه‌ها ئه‌مشه‌و بەفر لە ناوچە شاخاوییەکان و هەندێک لەو شارۆچکانەى کە نزیکن لە ناوچە شاخاوییەکان دەبارێت.

به‌شی پێشبینی كه‌شوهه‌وا راشیگه‌یاند كه‌ پێشبینی ده‌كرێ ئه‌مشه‌و ئه‌م شوێنانه‌ی خواره‌وه‌ به‌فریان لێ ببارێت:-

لە سنوورى پارێزگه‌ی دهۆک، بامەڕنێ و ئامێدى و شیلادزێ

لە سنوورى پارێزگه‌ی هەولێر، حاجى ئۆمەران و چۆمان و سۆران

لە سنوورى پارێزگه‌ی سلێمانى، قەڵادزێ و ماوەت و پێنجوێن