لە ئاکامی وەرگەڕانی پاسێک لە قەزای تاشکۆپرو لە پارێزگای کاستامۆنو له وڵاتی توركیا، شەش کەس گیانیان لەدەستدا و 33 کەسی دیکەش برینداربوون.
ڕووداوەکە لە نزیک گوندی ئالاتارلا ڕوویدا کە شۆفێرەکە کۆنترۆڵی پاسەکەی لەدەستداوە، بەو هۆیەشەوە پاسەکە لە ڕێڕەوی خۆی لایداوە و کەوتووەتە کێڵگەیەکەوە و وەرگەڕاوە.
دوا بە دوای ئاگادارکردنەوەیان، تیمەکانی ئاگرکوژێنەوە و تەندروستیی گەیشتنە شوێنی ڕووداوەکە.
لەو ڕووداوەدا شەش کەس گیانیان لەدەستداوە و 33 کەسی دیکە برینداربوون کە برینی سیانیان سەختە.
کۆمێنت (0)
تا ئێستا هیچ کۆمێنتێک نەکراوە.