بەفربارین ڕێگەی هاتوچۆی 681 ناوچەی نیشتەجێبوونی لە كوردستانی توركیا داخستووە

ئەو شەپۆلە بەفربارینەی كە پارێزگاكانی وان، هەكاری، مووش و بەدلیسی گرتووەتەوە، ڕێگەی هاتوچۆی 681 ئاوایی و ناوچەی نیشتەجێبوونی داخستووە.
چەند ڕۆژێكە شەپۆلێكی بەفربارین پارێزگای وان، هەكاری، مووش و بەدلیس لە ڕۆژهەڵاتی توركیای گرتووەتەوە و كاریگەری لەسەر ژیانی خەڵك هەبووە.
بە هۆی ئەو بەفربارینەوە ڕێگەی هاتوچۆی نێوان 681 ئاوایی و ناوچە نیشتەجێبوون بە تەواوی داخراوە و هەولی تیمەكانی ڕێگەوبان و شارەوانی لە هەر كام لەو پارێزگایانە بۆ كردنەوەی ڕێگەكان بەردەوامە. 
لە شارۆچكەی باشقەڵا سەر بە پارێزگای وان، زیاتر لە 50٥٠ سانتی مەتر بەفر باریوە و هەروها لە ناوەندی هەكاری و شارۆچكەكانی دەوروبەریش ئەستووری بەفر گەیشتووەتە 40 سانتی مەتر. لە پارێزگای مووش'یش كە دوو رۆژە بەفر بارین بەردەوامە، 55٥٥ سانتی مەتر بەفری لێ كەوتووە.